(Testo tradizionale, musica di Mauro De Lillo)
None none, nu mandare can u te vole
Ca aggiu mandatu jeu e aggiu persu le parole
Nella nella carceratu lu pulcinella
Percè stae carceratu? Pe nu cucummeru ca ha rubbatu
Tutu turi, su di Lecce li sunaturi
La Zita e di Scorrano bbeddha mia damme la manu
Terna terna, stutala e dumala la lanterna
E mò ca l'ha stutata, stutala e dumala natra fiata
Nia nia, la mamma fimmineddha ulia
Lu tata masculieddhu cu ndascia fore pe la fatia
Nazzu nazzu, paparina cu lu lapazzu
La mamma la cucina lu lapazzu e la paparina.
